သန္တာမြေမှ ကြယ်တစ်ပွင့်: တရားအားထုပ်ရမည့်အရွယ်

Saturday, October 9, 2010

တရားအားထုပ်ရမည့်အရွယ်

တရားအားထုပ်တာမှာ အသက်အရွယ်နှင့် မဆိုင်ပါ မြတ်ဗုဒ္ဓလက်ထက်တော်က အသက်ငယ်ငယ် ရွယ်ရွယ်နဲ့ သင့်တော်သော တရားတော်များကို သင်ယူ လိုက်နာ ကျင့်သုံးပြီး တရားထူးရရှိသွားတဲ့ ပုဂ္ဂိုလ်တွေ အများကြီးရှိခဲ့သည်ကို စာပေမှာတွေ့ရှိရသည်။ တကယ်တော့ တရားအားထုပ်ခြင်းသည် ငယ်ရွယ်တုန်းမှာ အကောင်းဆုံး အသင့်တော်ဆုံးဖြစ်သည်။ ငယ်လျှင် ငယ်သည့်အလျှောက် သင့်တော်သော တရားတော်ကို သိဖို့သာလိုအပ်သည်။ ထို့ကြောင့် မိမိတို့နှင့် နီးစပ်ရာ တရားရိပ်သာများ၊ ကိုးကွယ်ရာဆရာသမားများ ထံမှာသင့်တော်သော တရားတော်များကို သင့်ယူရန်လိုအပ်သည်။

အဘယ်ကြောင့်ဆိုသော် ကြက်တူရွေးကို အသက်ကြီးလို့ လျှာထူမှ စကားပြောသင်လျင် ဘယ်လိုမှ မတက်နိုင်တော့တဲ့အတွက် အသက်ငယ်တုန်း လျှာပါးစဉ်သင်မှ အလွယ်တကူ ကျွမ်းကျင်စွာ တက်မြောက်နိုင်သည်။ ထို့အတူ တရားကိုလည်း ငယ်ရွယ်စဉ် သန်တုန်း မြန်တုန်း ဥာဏ်ရည် ဥာဏ်သွေားကောင်းတုန်းမှာ အားထုပ်သင့်သည်။

နို့ချဉ်တွေကို နေထွက်ပြီးမှ ကျိုချက်ရင် ထောပတ်ကောင်း မဖြစ်နိုင်တော့တဲ့အတွက် မိုးမလင်းခင် ပြုပြင် ကျိုချက်သင့်သည်။ အသက်အရွယ်ရလာမှ တရားအားထုပ်လျှင် စိတ်သွားတိုင်းကိုယ်မပါဖြစ်တက်၍ ထင်သလောက် ခရီးမပေါက်နိုင်ပါ ထို့ကြောင့် အချိန်မရွေးပဲ အားထုပ်သင့်သည်။

သရက်သီးမှည့်တွေဟာ ငှက်တွေ ထိုးသုတ်ပြီးမှဆိုရင် ကိုယ်စားလို့လည်းမရ၊ သူများကိုလှူလို့လည်း မရနိုင်တော့တဲ့အတွက် ငှက်တွေ မထိုးသုတ်သေးခင် အလျင်အမြန်ခူးပြီး ကိုယ်တိုင်လည်းစား ဘုရားစတဲ့ သူတော်ကောင်းများကိုလည်း ကပ်လှူသင့်ပါသည်။ ထို့အတူပင် အရွယ်လွန်မှ တရားအားထုပ်မယ်ဆိုတာ မဖြစ်နိုင်တော့ပါ အရွယ်မလွန်ခင် ကိုယ်တိုင်လည်း အားထုပ်ပြီး သူများကိုလည်း အားထုပ်ဖြစ်အောင် တိုက်တွန်းသင့်သည်။

အဲဒီဥပမာလေးတွေလိုပဲ လူဟာလည်း အသက်ကြီးမှဆိုရင် စိတ်နေစိတ်ထားတွေက မဖြူစင်၊ အနှစ်မဲ့တဲ့ လောကီအာရုံ အမျိုးမျိုးကအရိပ်ထင်၊ ကိုယ်အား ဥာဏ်အားတွေက စိတ်သွားတိုင်းမပါချင်တော့တဲ့အတွက်၊ ကုသိုလ်ပဲဖြစ်ဖြစ်၊ အကုသိုလ်ပဲဖြစ်ဖြစ်၊ ပြည့်ပြည့်၀၀ မလုပ်နိုင်တော့ဘူး၊ အားမထုပ်နိုင်တော့ဘူး။ ဒါကြောင့် ငယ်ရွယ်တုန်း၊ သန်တုန်း မြန်တုန်း၊ စိတ်နေစိတ်ထား ဖြူစင် သန့်ရှင်းတုန်း၊ ဥာဏ်ရည် ဥာဏ်သွေး ထက်မြတ်တုန်း လူငယ်ဘ၀ဟာ ရဟန်းပြုဖို့ရော ကုသိုလ်အလုပ် အကုသိုလ်အလုပ် တရားအလုပ်တို့ကို အားထုပ်ဖို့ရာ အကောင်းဆုံးပဲဖြစ်သည်။ ထို့ကြောင့် သူတော်ကောင်းများအားလုံး မိမိတို့ရောက်နေတဲ့နေရာမှာ မိမိတို့နှင့် သင့်တော်မည့်တရားတော်များကို သင်ယူပြီး အားထုပ်ဖြစ်ဖို့သာ ပဓာနဖြစ်ပါသည်။

2 comments:

မိုးယံOctober 9, 2010 at 7:32 AM
တင်ပါ့ ဘုရား။ တပည့်တော် မှတ်သား လိုက်နာ နိုင်အောင် ကြိုးစားပါ့မည်။

အရှင်ဘုရား ငြိမ်းချမ်းပါစေ
ReplyDelete
Replies
AnonymousOctober 10, 2010 at 12:27 AM
အရမ်းကို မှန်ကန်လွန်းပါတယ် ဘုရား။
သုံးနှုံးထားတဲ့ ဥပမာလေးတွေကလည်း ရင်ကိုထိလွန်းရပါတယ်။
ကိုယ့်ကိုယ်ကို လည်းအားမရဖြစ်မိပါတယ်ရှင်။ :)
ခင်မင်လေးစားမှုများစွာနှင့်......ခင်မာလာအောင်...:)
ReplyDelete
Replies

Add comment

Subscribe to: Post Comments (Atom)

တရားတော်

ကောင်းမှုပြုသောသူသည် ဤဘ၀၌လည်း ၀မ်းမြောက်ရ၏။ နောင်ဘ၀၌လည်း ၀မ်းမြောက်ရ၏။ ပစ္စုပ္ပန် တမလွန် နှစ်တန်သော ဘ၀တို့၌ ၀မ်းမြောက်ရ၏။ ထိုသူသည် မိမိပြုပြီးသော ကောင်းမှုကံကိုမြင်၍ အလွန်ဝမ်းမြောက်ဝမ်းသာ ဖြစ်ရလေ၏။ (ဓမ္မပဒ)

ငါ့ခံယူချက်

မှားယွင်းမှုဟူသည် မောဟမကင်းသူ လူတိုင်းနှင့် ဆက်ဆံ၏။ သူတစ်ပါးမှားလျှင် အမှန်ရောက်အောင် ငါပြင်မည်၊ ငါမှားလျှင် သူတစ်ပါးအပြင်ကို ငါခံမည်။ ငါ့ကိုပြုပြင်သူကို ငါ့ဆရာဟု အသိအမှတ်ပြုမည်၊ သူတစ်ပါးအကျိုးကို ငါလိုလားမှ ငါ့အကျိုးကို သူတစ်ပါး လိုလားမည်၊ ငါ့တာဝန်ကို ငါကိုယ်တိုင် သိ၍ဆောင်ရွက်မည်၊ ငါ့အလိုသို့သာ တစ်ဖက်သတ်လိုက်သူမှာ ငါ့မိတ်ဆွေမဟုတ်၊ သုခ၏ မျိုးစေ့ဖြစ်သော ဒုက္ခကို ရဲဝံ့စွာ ငါခံယူမည်။ ဒုက္ခ၏ မျိုးစေ့ဖြစ်သော သုခကို ရဲဝံ့စွာ ငါရှောင်ရှားမည်။ ငါ့အလုပ်နှင့် တူသောအကျိုးကို မချွှတ်ငါရမည်။

ဓမ္မတာတည်

ချစ်ခင်ပေါင်းသင်း ဆက်ဆံခြင်းကား ကွေကွင်းဖို့သာ ဓမ္မတာတည် ဘယ်မှာအမြဲ ရှိနိုင်ပဲမို့ ရုပ်ခဲ နာမ်ဆို ခန္ဒာကိုလည်း ပျိုရာမှအို အိုရာမှနာ နာရမှသေ အိုလေ နာလေ သေသာ သေ၍ အခြေတကျ ဘယ်ဘ၀မှ မရကြဘူး

သင်သေသွားသော်

လူ့ပြည်လောက လူ့ဘ၀ကား အိုရ နာရ သေရဦးမည် မှန်ပေသည်တည် သို့တပြီးကား သင်သေသွားသော် သင်ဖွားသောမြေ သင်တို့မြေသည် အခြေတိုးမြင့် ကျန်ကောင်းသင့်၏ သင်၏ မျိုးသား စာစကားလည်း ကြီးပွါးတက်မြင့် ကျန်ကောင်းသင့်၏ သင်ဦးချရာ အမျှဝေရာ စေတီသာနှင့် သစ္စာအရောင် ဥာဏ်တန်ဆောင်လည်း ပြောင်လျက် ၀င်းလျက် ကျန်စေသတည်း. (ဆရာဇော်ဂျီ)

ဘလော့တည်ထောင်ရခြင်းအကြောင်း

စာရေးသူရဲ့ ဒီဘလော့လေးကို မြန်မာသက္ကရာဇ် ၁၃၇၂ ခုနှစ်၊ ၀ါခေါင်လဆန်း ၇ ရက်၊ (17-8-2010)အင်္ဂါနေ့တွင် စတင်တည်ထောင်ခဲ့ပါသည်။ စာရေးသူသည် ပညာရှင်တစ်ယောက်မဟုတ်ပါ စာရေးဝါသနာ ပါသူသာဖြစ်ပါသည်။ အမှားဟူသည် မောဟမကင်းသူတိုင်း၌ ရှိကြသဖြင့် ဤဘလော့တွင် တစ်စုံတစ်ရာသော အမှားကို တွေမြင်ခဲ့သောင် မိမိရေးသားသည့်ဘလော့အလား အမှန်သို့ရောက်အောင် ပြင်ဆင်ဖတ်ရှုနိုင်ကြပါစေဟု ဟန်ဆောင်မှုကင်းစွာဖြင့် တောင်းပန်အပ်ပါသည်။ ဆင်းရဲခြင်းဟူသမျှ ကင်းပျောက်၍ ချမ်းသာဟူသမျှ ရောက်ရှိခံစားနိုင်ကြပါစေဟု ဆန္ဒပြုဆုတောင်းရင်း ချစ်စွာသော စာဖတ်ပရိသတ်များရဲ့ မေတ္တာကိုခံယူလျှက်..... စာရေးသူ အရှင်ဣန္ဒောဘာသ(ကုသိနာရုံ၊ အိန္ဒိယ)