အပ္ပမာဒ။ ဆရာတော်ရဲ့ သာသနာပြု အောင်မြင်မှုများဟာ အံသြ၀မ်းမြောက် သာဓုခေါ်ဆိုစရာပါဘုရား။ ဆရာတော်ကို မြန်မာနိုင်ငံတော် အစိုးရကရော နိုင်ငံရပ်ခြားကရော ဘွဲ့တံဆိပ်များ ဆက်ကပ်လှူဒါန်း ခဲ့တယ်လို့သိရပါတယ်ဘုရား၊ ဘွဲ့တံဆိပ်တော်များကိုလည်း မိန့်ပါဦးဘုရား။
ဆရာတော်။ မြန်မာနိုင်ငံတော်အစိုးရက ဘုန်းကြီးကို နိုင်ငံရပ်ခြားတိုင်းတစ်ပါးမှာ နှစ်ပေါင်းများစွာ ဒုက္ခခံပြီး သာသနာပြုခဲ့လို့ ၇-၃-၉၃ ခုနှစ်မှာ အဂ္ဂမဟာပဏ္ဍိတ ဘွဲ့တံဆိပ်တော်ကို ဆက်ကပ်လှူဒါန်းခဲ့ပါတယ်။ ယူပီပြည်နယ်အစိုးရ အတွင်းဝန်ချုပ် ကြီးမှူးပြီး ၂၈-၅-၉၈ ခုနှစ်မှာ၊ Monk in Chief ဘွဲ့ထူးကို ဆက်ကပ်ခဲ့ပါတယ်။ ဗီဟာပြည်နယ် အစိုးရကလည်း ၂၆-၅-၉၉ ခုနှစ်မှာ ၀ိဆွဗုဒ္ဓရတနာ (၀ိဆွ ဗုဒ္ဓသားကောင်းရတာနာ)ဘွဲ့ထူးကို ဗီဟာပြည်နယ် ဂ၀န်နာက ဆက်ကပ်ခဲ့ပါသေးတယ်။ ဒါ့အပြင် ၂၆-၅-၂၀၀၁ ခုနှစ်မှာ ဗုဒ္ဓ၀ိသာရဒ ဘွဲ့ထူးကိုလည်း ထပ်မံပြီး ဗီဟာပြည်နယ် ပညာရေးဝန်ကြီးက လှူဒါန်းဆက်ကပ်ခဲ့ကြပါတယ်။ ၁၉၈၅ ခုနှစ် ပြည်နယ်ဝန်ကြီးချုပ် မာယာဝတီက ဒဥတ်ကြိဆ်ဓမ္မ (ဆေးဝါထူးဆန်းအံသြဘွယ် ဘာသာရေး အားပေးကူညီဆောင်ရွက်မှုအတွက် သာသနာပြု အကောင်းဆုံး) ဘွဲ့နှင့် ၁၉၉၆ ခုနှစ်မှာ ကန်နပူရ် ဗုဒ္ဓဘာသာများက အသင့်တော်ဆုံး သာသနာပြုဆုများ ချီးမြှင့်ခဲ့ပါတယ်။
အပ္ပမာဒ။ စာဖတ်ပရိသတ်များ ဆရာတော်ရဲ့ ဘွဲ့ထူးနဲ့ ဘွဲ့အပြည့်အစုံကို သိရှိကြည်ညိုကြစေရန်အတွက် အပြည့်အစုံ မိန့်ကြားပါဘုရား။
ဆရာတော်။ ဘုန်းကြီးဘွဲ့ကို အပြည့်အစုံ ရေးမယ်ဆိုရင်တော့ ဒီလိုရေးရင် ဖြစ်ပါတယ်။ ကုသိနာရုံဆရာတော်၊ အဂ္ဂမဟာပဏ္ဍိတ ဘဒ္ဒန္တ ဥာဏိဿရ၊ M.A (သမိုင်း). M.A (ပါဠိ)၊ L.L.B၊ ပါဠိသာဟိတျရတနာဘွဲ့၊ တိဗက်ဒီပလိုမာ၊ B.A.M. ခေါ်တိုင်းရင်းဆေး ဆရာဝန်ဘွဲ့၊ ၀ိဆွဗုဒ္ဓရတနာ၊ ဗုဒ္ဓ၀ိသာရဒ၊ Monk in Chief ဘွဲ့တံဆိပ်တော်ရ ဆရာတော်ဆိုရင် ပြည့်စုံပါတယ်။ ဒါပေမယ့် အများသိထားတဲ့ ကိုသိနာရုံဆရာတော် အဂ္ဂမဟာပဏ္ဍိတ ဘဒ္ဒန္တဥာဏိဿရ ဆိုရင် ပြည့်စုံပါပြီ။ ဒကာကြီးတို့လျှောက်ထားလို့သာ ဘုန်းကြီးက အပြည့်အစုံပြောပြတာပါ။
အပ္ပမာဒ။ ကုသိနာရုံမှာ ဆရာတော်ကြီး သာသနာပြုဖို့ လျာထားချက်များ ဘယ်လိုစီမံကိန်း ချထားပါသလဲ ဆိုတာလည်း သိပါရစေဘုရား။
ဆရာတော်။ ဘုန်းကြီးအနေနဲ့ ကုသိနာရုံမှာ တစ်ခုပြီးတခု လုပ်ခဲ့တဲ့အထဲမှာ ကုသိနာရုံအနေနဲ့ ပြောရမယ်ဆိုရင် ကုသိနာရုံတွင် ဆရာတော်တို့ အပိုင်တစ်နေရာထဲမှာ မြေဧက ၄၀ လောက်ကျယ်ဝန်းပါတယ်။ အဲဒီမှာ ဗုဒ္ဓဘာသာနဲ့ ပက်သတ်တဲ့ တက္ကသိုလ်တစ်ခု တည်ဆောက်ဖို့ စီစဉ်ထားပါတယ်။ အဲဒီတက္ကသိုလ်မှာ ထေရ၀ါဒနဲ့ပတ်သတ်တာရော၊ မဟာယနနဲ့ပတ်သတ်တာရော အဲဒါတွေပါမယ်၊ မဟာယနကဘယ်လို ထေရ၀ါဒကဘယ်လို ဆိုတာတွေမဖြစ်ရအောင် နောက်ကျရင် ထေရ၀ါဒသန့်သန့် ဖြစ်သွားဖို့ ရည်ရွယ်ထားပါတယ်။ အဲဒီမှာ ကိုရီးယားတို့ ဂျပန်တို့လည်းပါမှာပါ။ သူတို့ကလုပ်နိုင်တဲ့ တက်နိုင်တဲ့စွမ်းရည်ရှိတယ်။ သူတို့နဲ့တဖြည်းဖြည်းလုပ်ယူရပါမယ်။ အဲဒါကတစ်ခုပေါ့။ နောက် အိန္ဒိယမှာ မြန်မာမင်း အဆက်ဆက် သာသနာပြုကိစ္စတွေဘာတွေ လုပ်ခဲ့တယ်ဆိုတဲ့ ကျောက်စာတွေ အသီသီးရှိပါတယ်။ အဲဒီကျောက်စာတွေ ဖော်ထုပ်ရေးကော်မတီမှာ ဘုန်းကြီးလည်းပါပါတယ်၊ ဘုန်းကြီးရဲ့အယူအဆကတော့ အပြင်ကနေ သာသနာပြုတာနဲ့ အထဲကနေ သာသနာပြုတာ ပိုပြီးထိရောက်တယ်လို့ ခံယူထားပါတယ်။ အထဲကိုရောက်တော့ ပြောခွင့်ဆိုခွင့်ရှိတယ်။ ထေရ၀ါဒ သာသနာကို ပြောခွင့်ရှိတယ်။ ဘုန်းကြီး ရောက်ရောက်ချင်းပဲ ဘုရားဟာ ပြတိုက်မဟုတ်တဲ့ အကြောင်း ရှင်းပြခဲ့ရပါတယ်။ စောစောပိုင်းတုန်းက ဗုဒ္ဓဂယာနဲ့ ကုသိနာရုံမှာ ဂိတ်ဝင်ကြေးပေးပြီးမှ ၀င်ရတယ်။ ခုတော့ ဘုန်းကြီးဆောင်ရွက်လို့ ၀င်ကြေးမပေးရတော့ပါဘူး။ ဘုရားပရိဝုဏ်ဟာ ပြတိုက်မဟုတ်တဲ့အတွက် အခကြေးငွေပေးပြီး ၀င်စရာမလိုပါဘူး အထဲကိုရောက်လို့ရှိရင် သူတို့ ကြည်ညို သဒ္ဓါရှိတာနဲ့အမျှ ၁ ကျပ်မကဘူး ၁၀၀-၁၀၀၀-၁၀၀၀၀ စသည်လှူမှာချဉ်းပဲလို့ ရှင်းပြရတယ်။ အောင်မြင်ခဲ့ပါတယ် ပထမတော့ သူတို့က ရှေးဟောင်းသုတေသနအနေနဲ့ စကားပြောပါသေးတယ်၊ ဘုန်းကြီးက ကျုပ်တို့ ဗုဒ္ဓဘာသာရဲ့ ဘုရားနေရာဒေသဖြစ်တယ် ဌာနဆိုင်ရာအနေနဲ့ ဒီလိုလုပ်ဖို့မလိုဘူးလို့ ရုံးမှာအတော် စကားပြောခဲ့ရပါတယ်။ သတ္တရှိဖို့တော် အထူးလိုအပ်ပါတယ်။ စောစောကပြောခဲ့တဲ့ တက္ကသိုလ်ဆိုတာကလည်း အိန္ဒိယက ကလေးတွေကို ဦးစားပေးပြီးသင်ဖို့ပါ၊ ယိုးဒယား၊ ကိုရီးယား၊ ဂျပန်စသည် တို့ကိုလည်း လက်ခံပါမယ်။ သူတို့တွေကို ပညာတက်အောင်သင်ပေးပြီး ဒီအနီးအနား ၀န်းကျင်မှာရှိတဲ့ ကျောင်းတွေမှာ ပြန်ပြီးနေရာချထားပေးရမယ်။ ဒါမှ ခိုင်မြဲမှာပါ ကိုရီးယားတို့ ဂျပန်တို့မှာ ဒီလိုဗုဒ္ဓဘာသာ သင်ပေးတဲ့ကျောင်းတွေ မရှိပါဘူး၊ ဒါကြောင့် ဒီမှာလက်ခံပြီး သင်ဖို့ပါ။ အထူးအားဖြင့် အိန္ဒိယက ကလေးတွေ ပညာတက်ဖို့ အရေးကြီးပါတယ်။ သူတို့ကိုလေ့ကျင့် သင်ကြားပေးပြီး လိုအပ်တဲ့နေရာတွေမှာ ငါးကြင်းသားကို ငါးကြင်းဆီနဲ့ကျော်ဆိုသလို အစားထိုး နေရာချထားဖို့ လိုအပ်ပါတယ်။ ဒါမှ အိန္ဒိယမှာ ဗုဒ္ဓဘာသာကျောင်းနဲ့ သာသနာဟာ ပိုပြီးခိုင်မြဲမှာ ဖြစ်ပါတယ်။
အပ္ပမာဒ။ ဆရာတော်ရဲ့ ရည်ရွယ်ချက် ကြီးမားတာကို ဂုဏ်ယူပြီး သာဓုခေါ်ပါတယ်ဘုရား။ အခြေအမြစ်ကျတဲ့ လုပ်ငန်းများဖြစ်ပါတယ်၊ ဆက်ပြီးမိန့်ပါဦးဘုရား။
ဆရာတော်။ ဘုန်းကြီး ဂျပန်သွားပြီ တရားဟောတော့ သူတို့က ဘာလိုပါသလဲ မေးတယ်၊ ဘုန်းကြီးက စောစောက ရည်ရွယ်ချက်ကို ပြောပြတယ်၊ အိန္ဒိယမှာက မိန်းကလေး အတော်များများဟာ စာမတက်ကြဘူး၊ သူတို့ကိုလည်း သင်ကြားပေးရမယ်။ အခု ယိုးဒယားဘုန်းကြီးတစ်ပါးနဲ့ ကိုရီယားဘုန်းကြီးတစ်ပါး ရထားပါတယ်။ မဟာဝိဇ္ဇာအောင်မြင်ပြီးသားရော B.Com, B.Sc, B.Ed တို့အောင်မြင်ပြီးသားတွေ ခြောက်ယောက်လောက်ရနေပါပြီ၊ တော်တဲ့ ကလေးတွေကို ထူးချွန်အောင် လုပ်ပေးရမှာပါ ဒါမှလည်း သူတို့ရဲ့မိဘတွေပါ ပါလာမှာဖြစ်တယ်။ အခုလက်ရှိ ကုသိနာရုံမှာ ဘုန်းကြီးရဲ့ကျောင်း တစ်ကျောင်းပဲရှိပါတယ်။ ရှစ်ဧကလောက်ကျယ်ပါတယ်။ အဲဒီမှာ မူလကျောင်းကြီးရယ်၊ နောက်ထပ် ကိုရီးယားကျောင်း၊ ဂျပန်ကျောင်း၊ ယိုးဒယားကျောင်း၊ သီဟိုဠ်ကျောင်း ဆိုပြီးတော့ရှိတယ်။ ပညာတက်လူငယ်တွေများတယ်၊ အိန္ဒိယမှာ ပထမဆုံးဆောက်တဲ့ မဟာပရိနိဗ္ဗာန ဓမ္မသာလာယဆိုတဲ့ ကျောင်းလဲရှိပါတယ်။ ဘုရားဖူးတွေ တည်းခိုဖို့ အဆောင်လည်းရှိတယ်။ တစ်ကြိမ်ကို ဘုရားဖူး ၆၀ လောက် တည်းခိုနိုင်တယ်။ သံဃာကတော့ မြန်မာကျောင်းတွေ ထဲမှာဆိုရင် ဘုန်းကြီးရဲ့ ကုသိနာရုံကျောင်းက သံဃာအများဆုံးပါ ၁၂၅ ပါးခန့်ရှိပါတယ်။ ကိုရင် ၁၆ ပါးရှိပါတယ်။ မြန်မာနိုင်ငံက တစ်ပါးပဲ ရှိပြီးတော့ နီပေါနဲ့ အိန္ဒိယက များပါတယ်၊ ဘုန်းကြီး စည်းရုံးထားတာပါ။
အပ္ပမာဒ။ ခုလို ပြည့်ပြည့်စုံစုံ ရှင်းပြတာကို ကျေးဇူးတင် ၀မ်းမြောက်လှပါတယ်ဘုရား။ မြန်မာနိုင်ငံမှာ ယခုလို သာသနာရေးရာများ ထွန်းကားနေမှုအပေါ် ဆရာတော်ရဲ့ အကြံပြုချက်များကိုလည်း သိချင်ပါသေးတယ်ဘုရား။
ဆရာတော်။ ခုလို မြန်မာနိုင်ငံမှာ သာသနာတိုးတက် ထွန်းကားနေတာ ဘုန်းကြီး ၀မ်းမြောက်ပါတယ်။ သို့သော် အကြံပြုချင်တာကတော့ ဘာသာရေး စာရေးဆရာများရော၊ တိုးတက်ပြန့်ပွါးအောင် ဆောရွက်နေသူများကိုရော အကြံပေးချင်ပါတယ်။ ဘုရားရှင်ရဲ့ သာသနာတော်ကို ပြန့်ပွါးအောင် ဖြန့်တဲ့နေရာမှာ ရှေးရိုးကြီးကိုပဲ အားကိုးမနေပဲနဲ့ ခေတ်အမြင်နဲ့လည်း နှိုင်းယှဉ်ပြီး ခေတ်အမြင်ရှိကြဖို့လိုပါတယ်။ ဥပမာအားဖြင့် တောင်မြို့ဆရာတော် အရှင်ဇနကာဘိဝံသ ဆိုရင် ဘုရားဟောများကိုလည်း ဖော်ပြတယ်၊ ဗုဒ္ဓဘာသာကို ခေတ်အမြင်နဲ့လည်း များစွာတင်ပြထားပါတယ်။ ဆိုလိုချင်တာကတော့ ရှေးဟောင်း ရှေးဟောင်းကိုလည်း လက်ကိုင်ထားရပါတယ်။ သို့သော် ခေတ်အမြင် သိပ္ပံအမြင်နဲ့ ယှဉ်တွဲပြီးတော့ လက်တွေ့ကျကျ ယုတ္တိ ယုတ္တာကျကျ ခေတ်လူငယ်တွေ လက်ခံကျင့်သုံးနိုင်အောင်လို့ တင်ပြဖို့ လိုအပ်ပါတယ်။ အရင်တုန်းကတော့ ဘုန်းကြီးကျောင်း ပညာရေးစနစ်ထွန်းကားလို့ ဧ၀ံ မေ သုတံ ဆိုရင် နားလည်တယ်။ ခုခေတ် ဘုန်းတော်ကြီး ပညာရေးစနစ်ကလည်း မရှိသလောက်ဖြစ်နေတော့ ဧ၀ံ မေ သုတံ ဆိုရင် မသိတဲ့လူကများတယ်။ အဲဒါကို ဘုရားဟောလည်း လူတွေသိအောင် ခေတ်အမြင်နဲ့လည်း လက်ခံနိုင်အောင် ဆောင်ရွက်ဖို့ လိုအပ်ပါတယ်။ နေက်တစ်ခုက ပေးကမ်းခြင်းဖြင့် အောင်မြင်ရာသည် ဆိုတာလည်း ရှိပါတယ်။ သစ္စာလည်း ခိုင်မြဲရပါမယ်။ ယုံကြည်မှုလည်း ရှိရပါမယ်၊ ဇွဲလဲရှိရမယ်၊ ဒါမှ သာသနာပြုလို့ရမှာပါ၊ ဘုန်းကြီးကတော့ ကုသိနာရုံမှာ သစ္စာပြုပြီး သာသနာပြုနေတာပါ၊ တကယ့် သစ္စာမှန်ကန်ရင် တကယ်အောင်မြင်ပါတယ်။ ဆိုလိုချင်တာကတော့ ဗုဒ္ဓဒေသနာနဲ့ ခေတ်အမြင်နဲ့ သစ္စာတရားနဲ့ ယုံကြည်မှုများစွာ လိုပါတယ်လို့ ပြောချင်ပါတယ်။
အပ္ပမာဒ။ မှန်လှပါဘုရား ဆရာတော်ကြီးအနေနဲ့ မြန်မာပြည်ကို ခေတ္တရောက်ခိုက် မအားလတ်တဲ့ကြားက တပည့်တော်ကို ခုလိုအချိန်ပေးပြီး စိတ်ရှည်စွာ ဖြေကြားပေးတော်မူတဲ့အတွက် တပည့်တော် ဦးခိုက်ပါတယ်။ နောက်ဆုံး မေးခွန်းအနေနဲ့ တပည့်တော်များ အပ္ပမာဒ မဂ္ဂဇင်းနဲ့ အပ္ပမာဒ မဂ္ဂဇင်း စာဖတ်ပရိသတ်များကို သြ၀ါဒအကျဉ်း ပေးတော်မူပါဦးဘုရား။
ဆရာတော်။ အပ္ပမာဒဆိုတာ မမေ့မလျော့ခြင်း မဟုတ်လား၊ ဒီစကားကို မြန်မာနိုင်ငံ ဗုဒ္ဓဘာသာဝင်တိုင်း ရင်းနီးပြီး ဖြစ်ခဲ့တဲ့စကား မဟုတ်လား၊ သူ့အဓိပ္ပါယ် အပြည့်အစုံက မမေ့မလျော့ခြင်းသည် မသေခြင်းရဲ့အကြောင်း၊ မေ့လျော့ခြင်းသည် သေခြင်း၏အကြောင်း မဟုတ်လား၊ ဒကာကြီးတို့ရော စာဖတ်သူများပါ ဘုရားရှင်ရဲ့ အဆုံးအမဖြစ်တဲ့ ၀ိပဿနာအလုပ်ကို မမေ့ဖို့လိုပါတယ်။ အမြဲသတိရနေဖို့၊ စွမ်းနိုင်သမျှလုပ်ဖို့ လိုအပ်ပါတယ်။ ဒါမှလည်း မိမိတို့ လိုချင်တဲ့ပန်းတိုင်ကို ရောက်မှာပါ။ ဒါက ဒကာကြီးတို့ရော စာဖတ်သူများကိုရော ဘုန်းကြီးပြောလိုတာပါ။ အပ္ပမာဒ မဂ္ဂဇင်းအနေနဲ့ အခုလို ထုပ်ဝေနေတာ ဘုန်းကြီး သဘောကျပါတယ်။ ဒါမယ့် အထက်မှာပြောခဲ့သလို ဗုဒ္ဓဒေသနာတော်နဲ့ ခေတ်အမြင်ကို ပေါင်းစည်းပေးဖို့ လိုပါတယ်၊ ရှေးရိုးစာပေတွေ ထည့်တာလည်းထည့်ပေါ့ ခေတ်အမြင်အနေနဲ့လည်း အများနားလည် လက်ခံနိုင်အောင် ရေးသားကြမယ်၊ တင်ပြကြမယ်၊ ဆန်းသစ်ကြမယ် ဆိုရင်တော့ ထရ၀ါဒ သာသနာတော်အတွက် မဂ္ဂဇင်းထုပ်ရကျိုး ရေးရကျိုးဟာ ပိုပြီးထိရောက်မှာဖြစ်မယ်လို့ ဘုန်းကြီးမေတ္တာစကား ပြောကြားပါတယ်။
အပ္ပမာဒ။ သာဓု- သာဓု- သာဓုပါ ဘုရား။
အရှင်ဣန္ဒောဘာသ (ကျောက်ဖြူ)
